يا أهلنا في غزة .. نحن معكم
القعقاع رجل بألف: خاطرة حول : السير على الرصيف

الأربعاء، ٢ يوليو ٢٠٠٨

خاطرة حول : السير على الرصيف

لماذا لا يسير المجتمع على الأرصفة - إلا من رحم ربى -؟ ويسيرون في منتصف الطريق!
لقد قمت بالاجتهاد بوضع عدد من التفسيرات وانتظر منكم المزيد والمساعدة في حلها.
1- لتجنب سقوط المياه (التكييف - مياة الغسيل - مياة غير نظيفه )على رؤوسهم.
2- لاحتلال بضائع المحال التجارية والقهاوى والكافتريات الرصيف وجزء من الأسفلت.
3- للخروج عن المألوف - خالف تعرف-.
4- لتجنب سقوط المخلفات من نوافذ وبلكونات الشقق السكنية.
5- نتيجة لضرب كردون أكبر من اللازم حول العمارة المراد بناؤها.



**ملاحظة تم إضافة المادة أدناة يوم السبت 5/7/2008م

6- الزيادة السكانية والأعداد المهولة التى تمشى في الطرقات (أحد الأسباب الرئيسية للمشى في نهر الطريق).
7- الرصيف عالى جدا... في بعض الأماكن فعلا هناك أرصفة عالية بحيث أن كبار السن والصغار يصعب عليهم تسلّقها وليص صعودها.
8- الحالة المزاجية السيئة للشعب (التى تدفعهم إلى فعل أشياء بدون وعى).
9- .......................
10- ...................
......................
انتظر مشاركاتكم بفارغ الصبر

هناك ٧ تعليقات:

غير معرف يقول...

والله فعلا موضوع ممتاز
الناس تسيب الرصيف وتلقيها ماشيه في الشارع وخاصه الكوبري الحكومه غلبت معانا فرضت غرامه وحطت حواجز وبردوا تلاقي الناس ماشيه علي طريق الكوبري اكتر من السيارات
احنا لما نكون راكبين السياره ونلاقي الشارع كله ناس بابا بيقولنا انزلوا نشيل السياره ونحطها علي الرصيف
واخيرا:
لايوجد تفسير علمي واضح لهذا التصرف

marmarmarmora يقول...

هههههههههههههههه
حلوة حكاية شيل السيارة وحطها على الرصيف
انا مش عارفة انت شاغل نفسك بالموضوع دا ليه يابني
أقولك التفسير من الآخر : دول ناس عايزين يموتوا عادي يعني ...او هما اصلا ميتين ....بسبب ان الحياة في مصر اصبحت شيئ صعب ...فعادي مش فارقة يموتوا تاني او اولاني

MrXprt يقول...

هههههههههههه

والله تدوينة فالجون

طيب لما نيجي نشوف الموضوع دا ممكن نقول مثلاُ

لان الرصيف عالي اوي عن الطبيعي فالموضوع هيكون مرهق جداً .. وحل دا عندي خليك معايا

او ممكن لان الألوان مش حلوة فمن شدة ذوق الشعب يكسف يمش على الألوان ديه

وكمان تثدر تقول ان الأوبشن دا محدش واخد باله منه

الحلول مقترحه :
1- عدم ازاج السلطات دا اولاً طبعاً ليه نزعجهم طلاما نقدر نحل الموضوع بايدينا

2- تكوين رصيف جنب Raseef Jump
جمعبة اهلية تدعو لسباقات المشي على الرضيف بحيث يتم متابعة المتسابقين واكتر واحد يمشي على الرصيف ياخد بلاطه دهب هدية

3-او مسابقة RC 2008
Rassef Coloers

مسابقه لتطوير الوان الأرصفه على ان لا يخرج المتاسبق عن شروط الألوان وهي العلبة ال 24 لون من عند ابو شنب

4-ممكن نخلي اتصالات و فودافون - اذكروا محاسن موتاكم يا جماعة محدش يستخدم اللون البرتقاني- يعملوا عروضهم على الأرصف تبقى بلاطه حمرا و تانية خضرا و اللي عاوز شبكه يقف على البلاطه بتاعته او ياخد داقايق هديه اوعدك مش هتلاقي حد على الرصيف ..

تدوينة رائعة :)

تحياتي
Mr.Xprt

القعـقـاع يقول...


بصراحة المشاركة جدية مش هزلية
وهى دراسة موضوعية لمعرفة الأسباب الفعلية التى تدعو إلى ترك الطريق الأساسي
استخلصت بعض الأسباب من خلال مشاركاتكم
1- الزيادة السكانية والأعداد المهولة التى تمشى في الطرقات (أحد الأسباب الرئيسية للمشى في نهر الطريق).
2- الرصيف عالى جدا... في بعض الأماكن فعلا هناك أرصفة عالية بحيث أن كبار السن والصغار يصعب عليهم تسلّقها وليس صعودها.
3- الحالة المزاجية السيئة للشعب (التى تدفعهم إلى فعل أشياء بدون وعى).
***واسمحو لى أن اضيف هذه الأسباب للتدوينهم وسنترك مساحة لمن أراد وضع أسباب أخرى
قبل أن ننتقل إلى المشكلات المترتبة على ترك السير على الرصيف.

غير معرف يقول...

اهم سبب في المشكله ديه:
ان الرصيف نفسه غير قابل لللاستخدام الادامي
في بعض الاماكن الرصيف متكسر خالص ومش مرصوف وساعات الناس بترمي الزباله عليه فبيبقه من المستحيل ان الواحد يمشي عليه
انا شخصيا شفت حمار مربوط في عمود نور علي الرصيف وكميه الاوساخ والفوضي اللي سببهامتتوصفش

القعـقـاع يقول...

أسباب مقنعة فعلا
1- عدم وجود أرصفة أصلا.
2- ربط الماشية علية فضلا عن المخلفات التى تتركها.

خديجه يقول...

موضوع جميل وتعليقات حلوه
من وجهة نظري بالاضافه للي قولتوه في نسبه كبيره من الشعب مش عنده انضباط في سلوكه او احساس عام بعدم المسؤليه يعني مثلا زمان وانا صغيره كنت امشي في وسط الطريق ولما تيجي عربيه خلاص يعني هتخبطني اقول لصحابي هي اللي تقف مش احنا- بلطجه يعني_فهو يعني في شي من عدم الوعي او بمعني اصح ما اتربيناش علي النظام من الصغر