معارك انتخابية

يرفعون شعار الشومة هى الحل
وأخيرا تناقلت وسائل الإعلام فوز المرشح محمد أبو المجد مرشح كمال الشاذلى حزب وطنى
على المرشح محمود منصور مرشح أحم دعز حزب وطنى
بفارق بسيط جدا وفج جدا
10.000 صوت فقط لا غير
ومن الجدير بالذكر أن الفارق في الجولة الأولى كان لصالح منصور بفارق 700 صوت
ويحيا التزوير والديموقراطية والمهلبية
وشكرا
وكل انتخابات وأنتم بخير

يا ناس ياهو ... النهاردة عندنا إعادة

كل انتخابات وأنتم بخير
طبعا التدوينة الماضية كانت اليوم عندنا انتخابات
ولأن معندناش أى إخوان داخل فالانتخابات كانت ماشية نزيهة بنسبة 90% .... بصحيح
ولكن لا يمنع أن يتخللها 10% فساد حيث حدث تقفيل للجنة بالكامل لمرشح من المرشحين وهو الآن يدخل إعادة مع مرشح الوطنى
هو الراجل دة داخل مستقل بس على تقيل أوى ... أزاى؟!؟
هو أقوى مرشحين عندنا وطنى
على فكرة الدايرة اللى أنا باتكلم عنها هي دائرة ( أو مثلث أو مربع أو مستطيل) الباجور
لكن الأول وهو أبو المجد وطنى صرف وهو النائب القبل الانتخابات ... يارب ينجح
على فكرة هو مدعوم من كمال الشاذلى مباشرة ويعتبر هو ورقته الأخيرة في الباجور
والثانى هو محمود منصور المحامى من أصحاب رؤوس الأموال وطنى أيضا لكن مختلف ... يعنى إيه ؟
يعنى صاحبنا ده تابع للجنة السياسات مباشرة ومدعوم من أحمد عز مباشرة وجمال مبارك
يا رب يسـ.........
ليه
هو كده
إحنا ناقصين ناس ييجوا ويبيعوا البلد
هو بصراحة الواحد شايف كده أنه باقى المواطن هو اللى عليه الدور في البيع اليومين دول

وغرقت في حلم من المستقبل

يعنى تلاقى واحد داخل عليك بيقولك أنت عاوز ولادك ؟
تقوله أيوه ..!
يقولك طيب تدفع كام ؟
أنت : كام .... على إيه بالضبط ؟!؟!؟؟
هو : عشان تحتفظ بأولادك ( يقولها بابتسامة صفراء)ها تدفع كام
انت : اللى تأمر بيه سعادتك ...!
هو : طيب الى أكبر من 18 سنه بـ 40 جنية شهريا واللى أكبر من كده 20جنية شهريا (ولا أكننا في مركز شباب)وانت غارق في ذهول رهيب مهيب ألجم فمك وأصبحت زى النملة الـ قعيدة ويكمل الراجل إياه ....
ومتنساش الضرايب على انهم عايشين بيتنفسوا م الهوا الملوث وبياكلوا من الأكل السرطن اللى إحنا بنوفرهولكم بالعافية وطبعا الأمن والأمان اللى أنتم عايشين فيه
في الحالة دى الواحد اللى عايز يسيب مراته عشان مايصرفش كتير والعكننة اللى بيتصبح ويتمسى بيها .. هيقول معلش ممعياش يكفى ليكى يا حبى ولكن في أقرب فرصة هاحاول اجيبك من السبى ... (إحنا رحنا في زمن أبو جهل ولا إيه )نغمه صوت السيف والدماء المتطايرة مع قطع اللحم

واستيقظت من الحلم

ولكن ...
على صوت قرع على الباب وصوت سيوف ورائحة الدماء المتطايرة مع قطع اللحم

اليوم عندنا انتخابات!!!

النهاردة عندنا انتخابات بكل ما تحملة الكلمة من ديموقراطية وحرية ومهلبية .....
تحمل على وجهها الآخر معانى الرعب والخوف والسلبية و.....
لأن الانتخابات عندنا في ... البلد
عبارة عن تزوير في تزوير في تزوير لمرشحى الحزب الوطنى ولكن لعدم وجود إخوان مترشحين فاحتمال -على حد قول العامه- الانتخابات مش حيحصل فيها تزوير
ولكن أنا من موقعى هذا - اما الجهاز - اقول انه هيبقى فيه تزوير للركب
وإن بعد الانتخابات لناظرة قريب جدا
واسيبكم عشا اشوف حالى ...

البداية

من هنا أبدأ التدوين

الانطلاقة الأولى بعد الصفر

القعقاع